FSHATI MYLTE; LEZHË | NJË I MITUR BIÇIKLIST ME MOSHË 12 VJEÇ MBETI I PLAGOSUR NË AKSIDENT AUTOMOBILISTIK.

Fshati Mylte, Lezhë, Shqipëri | Strukturat vendore të Policisë së Shtetit morën dijeni se:

1- Një i mitur, biçiklist, me moshë 12 vjeç, mbeti i plagosur, në aksident automobilistik.

Njoftim | Rreth orës 19:40, në fshatin Mylte, Lezhë, automjeti me drejtuese shtetasen D. N., 39 vjeçe, është përplasur me një biçikletë që lëvizte një shtetas i mitur, rreth 12 vjeç.

Si pasojë e përplasjes, i mituri ka pësuar dëmtime dhe është transportuar në Spitalin Rajonal Lezhë, ku ndodhet jashtë rrezikut për jetën.

Drejtuesja e automjetit është shoqëruar në Komisariatin e Policisë, për veprime të mëtejshme procedurale.

Grupi hetimor ndodhet në vendngjarje dhe vijon puna për sqarimin e plotë të rrethanave të aksidentit, thuhet në njoftimin e Policisë së Shtetit.

Shënim: Çdo subjekt i përmendur në përmbajtjen e këtij artikulli, mbështetur mbi parimin kombëtar procedurial penal dhe universal të prezumimit të pafajsisë, konsiderohet i pafajshëm penalisht, gjer në çastin kur ndaj tij, nga autoritetet kompetente shqiptare ose të huaja, do të jepet një vendim penal, i formës së prerë.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit