FSHATI KSAMIL; SARANDË | ANTONIO MATELI U PËRFSHI NË AKSIDENT AUTOMOBILISTIK; VDIQ; ANGJELO GJIKA MBETI I PLAGOSUR.

Fshati Ksamil, Sarandë, Shqipëri | Strukturat vendore të Policisë së Shtetit morën dijeni se në një aksident automobilistik mbeti i vdekur:

1- Z. Antonio Mateli, me moshë 20 vjeç.

I plagosur mbeti:

1- Z. Angjelo Gjika, me moshë 22 vjeç.

Njoftim | Ksamil.

Informacion paraprak.

Rreth orës 18:10, në rrugën e Plazhit, në zonën e Lagunës, Ksamil, një automjet tip “Benz”, me drejtues shtetasin A. Gj., rreth 22 vjeç, ka humbur kontrollin dhe ka dalë nga rruga.

Si pasojë e aksidentit, ka humbur jetën në vendngjarje pasagjeri i automjetit, shtetasi A. M., rreth 20 vjeç.

Drejtuesi i automjetit është transportuar në spital për ndihmë mjekësore dhe, sipas informacionit paraprak, ndodhet jashtë rrezikut për jetën.

Grupi hetimor ndodhet në vendngjarje dhe po vijon punën për dokumentimin e rrethanave të aksidentit, si dhe për përcaktimin e shkakut të tij, thuhet në njoftimin e Policisë së Shtetit.

Shënim: Çdo subjekt i përmendur në përmbajtjen e këtij artikulli, mbështetur mbi parimin kombëtar procedurial penal dhe universal të prezumimit të pafajsisë, konsiderohet i pafajshëm penalisht, gjer në çastin kur ndaj tij, nga autoritetet kompetente shqiptare ose të huaja, do të jepet një vendim penal, i formës së prerë.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit