FSHATI BURIM (BIVOLAK); VUSHTRRI | FATON SARAQI (SARAÇI) U SHPALL NË KËRKIM POLICOR; TË SHTËNA ME ARMË ZJARRI.

Fshati Burim (Bivolak), Vushtrri, Republika e Kosovës | Strukturat vendore të Policisë shpallën në kërkim policor:

1- Z. Faton Saraqi (Saraçi), me moshë 38 vjeç.

Ai konsiderohet doras në shtëna me armë zjarri për të frikësuar një subjekt (mashkull), me të cilin, dyshohet se ka pasur konflikte.

Gjatë kontrollit në banesë u gjet dhe u sekuestrua në cilësinë e provës materiale me karakter kompromentues penal:

1- Municion luftarak (14 fishekë).

Ndaj tij filluan hetimet penale paraprake për shkelje penale të parashikuar si:

1- “Mbajtje në pronësi, kontroll ose posedim i paautorizuar i armës”.

2- “Përdorim i armës apo mjetit të rrezikshëm”.

Shënim: Çdo subjekt i përmendur në përmbajtjen e këtij artikulli, mbështetur mbi parimin kombëtar procedurial penal dhe universal të prezumimit të pafajsisë, konsiderohet i pafajshëm penalisht, gjer në çastin kur ndaj tij, nga autoritetet kompetente shqiptare ose të huaja, do të jepet një vendim penal, i formës së prerë.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit