FRANCË | PRESIDENTI VOLODIMIR ZELENSKI: DO TË MARR LICENCA FRANCEZE PËR TË PRODHUAR ARMË TË RËNDA.

Paris, Francë | “Rezultati i bisedimeve të mia me Emmanuel Makronin është një marrëveshje e rëndësishme midis Ukrainës dhe Francës.

Ukraina do të marrë licenca për të prodhuar armë shumë të fuqishme - raketa Scalp, bomba Aasm dhe raketa Aster 30 në bashkëpunim me Italinë.

Franca do të bashkëpunojë gjithashtu me ne dhe partnerë të tjerë në programin e raketave antibalistike Freyja.

Ukraina do të jetë e para që do të marrë sistemet e reja të përmirësuara franko-italiane Samp/t NG”.

Kështu njoftoi presidenti Volodimir Zelenski në rrjetin shoqëror virtual Iks (X).

“Përveç kësaj, Ukraina do të blejë 16 avionët e parë luftarakë Rafale për forcën tonë ajrore luftarake, së bashku me paketën përkatëse të armatimit”, - tha presidenti Zelenski.

“Franca do të furnizojë gjithashtu dy bateri Samp/T për të forcuar mbrojtjen tonë që këtë vit.

Franca dhe Italia gjithashtu do të përshpejtojnë dërgesat e raketave Aster 30 deri në tetor të këtij viti. Trajnimi i pilotëve dhe personelit tonë të mirëmbajtjes në Francë pritet të fillojë që këtë vit. Më pas, katër avionët e parë Rafale do t'u dorëzohen Forcave të Armatosura të Ukrainës.

Ne po forcojmë sistematikisht aftësitë luftarake të Ukrainës”, - tha presidenti Zelenski.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit