IRLANDË E VERIUT | PRESIDENTI VOLODIMIR ZELENSKI DO TË MARRË PJESË NË CEREMONINË E DUBLINIT PËR PRESIDENCËN IRLANDEZE TË BASHKIMIT EVROPIAN.

Dublin, Irlandë e Veriut | Presidenti Volodimir Zelenski do të jetë në Kështjellën e Dublinit këtë pasdite për ceremoninë e hapjes së Presidencës irlandeze të Bashkimit Evropian.

Ai do të takohet me kryeministrin Majkll (Michael) Martin dhe presidentin e Këshillit Evropian Antonio Kosta (Costa).

“Do të diskutojmë se si të rrisim presionin ndaj Rusisë dhe si të sigurohemi që BE-ja të luajë rolin e saj të plotë në sigurimin e një paqeje të drejtë dhe të qëndrueshme për popullin ukrainas dhe si të përparojmë negociatat për anëtarësimin e ardhshëm të Ukrainës”, tha kryeministri Martin.

“Ne duam të përmirësojmë konkurrueshmërinë e Evropës, duke e bërë jetën më të lehtë për bizneset tona dhe duke siguruar vende pune cilësore për qytetarët e saj. Ne duam të mbrojmë vlerat themelore mbi të cilat është themeluar Unioni ynë, duke mbrojtur demokracinë tonë dhe duke siguruar sigurinë e qytetarëve tanë.

Kemi ambicie të mëdha për atë që duam të arrijmë së bashku në vitet e ardhshme, kështu që na duhet një buxhet që mbështet këto qëllime.

Do të diskutoj me presidentin Kosta (Costa) se si ekipet tona mund të punojnë ngushtë së bashku për të arritur një marrëveshje në negociatat për buxhetin e ardhshëm shumëvjeçar të BE-së deri në fund të vitit”, shtoi ai.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit