FRANCË: GURUJA I SEKTIT NDËRKOMBËTAR TË JOGËS DHE 40 TË TJERË U ARRESTUAN PËR NJË SËRË AKUZASH.

Paris, Francë | Gjithsej 41 persona u arrestuan sot në Francë, si të dyshuar si të lidhur me një sekt ndërkombëtar, i akuzuar për shumë perversitete, nën maskën e ushtrimit të jogës, u bë e ditur nga një burim gjyqësor pranë hetimit penal. Të arrestuarit përfshijnë z. Gregorian Bivolaru, 71 vjeç, guru rumun, dhe themeluesi i kësaj lëvizjeje të diskutueshme ndërkombëtare të yogës, tha burimi pranë hetimit penal, duke shtuar se figura të tjera të rëndësishme të sektit u arrestuan gjithashtu në Francë. Arrestimet, të zbuluara nga gazeta franceze Çlirimi (Libération), ndodhën në rajonin e Parisi,t dhe në Francën jugperëndimore, shtoi burimi. Në këtë operacion madhor, i cili, koordinohet nga Zyra Qendrore për shuarjen e dhunës ndaj personave, morën pjesë rreth 175 punonjës policie. Gjatë arrestimeve janë liruar 26 gra që ishin nën kontrollin e lëvizjes, tha burimi pranë hetimit. Lëvizja për integrim shpirtëror drejt absolutes (Misa), siç quhet ndryshe, ka shumë shkolla joge, dhe degë të tjera. “Është e vështirë të thuash numrin e ndjekësve, por, janë disa qindra njerëz”, tha i njëjti burim. Drejtësia franceze filloi një ekzaminim paraprak në muajin korrik të vitit 2023, për shpërdorim detyre, rrëmbim në bandë, përdhunim, dhe trafik njerëzish. Në fund të muajit korrik të vititi 2022, Misioni Ndërministror për Vigjilencë dhe Luftimin e Devijimeve Sektare i kishte dërguar një raport gjyqësorit, pasi ishte informuar nga Shoqata për të Drejtat e Njeriut, për 12 ankesa të anëtarëve të lëvizjes Misa, sqaroi një burim gjyqësor. Sipas këtij burimi, lëvizja Misa, e cila u shndërrua në Atman, gjatë zgjerimit të saj jashtë Rumanisë, mësoi jogën, me synimin të akordojë viktimat për të pranuar marrëdhënie seksuale përmes teknikave të manipulimit mendor që synojnë të shfuqizojnë çdo koncept pëlqimi. Ky sekt i nxiti viktimat femra që të pranojnë marrëdhënie seksuale me drejtuesin e organizatës, dhe/ose të angazhohen në praktika pornografike për para në Francë dhe jashtë saj. Shënim: Çdo subjekt i përmendur në përmbajtjen e këtij artikulli, mbështetur mbi parimin kombëtar procedurial penal dhe universal të prezumimit të pafajsisë, konsiderohet i pafajshëm penalisht, gjer në çastin kur ndaj tij, nga autoritetet kompetente shqiptare ose të huaja, do të jepet një vendim penal, i formës së prerë. Nga z. Erton Duka. © Copyright | Agjencia Telegrafike Vox Ne të njohim me botën | www.007vox.com | Burimi yt i informacionit