ENTI MEDIATIK “HAARETZ”: RIADI NUK DO T'I NORMALIZOJË MARRËDHËNIET ME QEVERINË E KRYEMINISTRIT BENJAMIN NETANJAHU.

Jeruzalem, Izrael | “Riadi nuk ka ndërmend të normalizojë marrëdhëniet me Izraelin për sa kohë që qeveria e Kryeministrit Benjamin Netanjahu mbetet në pushtet”.

Enti mediatik “Haaretz” e raporton këtë lajm, duke cituar burime palestineze në kontakt me zyrtarë të lartë sauditë, sipas të cilëve, Riadi do ta kushtëzojë normalizimin me një propozim të qartë diplomatik për krijimin e një shteti palestinez.

“Çdo qeveri që përfshin ministrat e ekstremit të djathtë Bezalel Smotriç (Smotrich) dhe Itamar Ben-Gvir nuk është partner për një marrëveshje diplomatike, e lëre më për normalizim, në dritën e asaj që po ndodh në Gazë dhe Bregun Perëndimor. Izraeli nuk mund t'i imponojë kushte diplomatike një vendi si Arabia Saudite”, thanë burimet e informimit.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit