ENTI MEDIATIK “AXIOS”: SHERR MES PËRFAQËSUESES SË LARTË TË BASHKIMIT EVROPIAN KAJA KALLAS DHE SEKRETARIT AMERIKAN TË SHTETIT MARKO (MARCO) RUBIO.

Uashington, Amerikë | “Pati një shkëmbim të nxehtë debatesh në samitin ministror të G7-ës midis Përfaqësueses së Lartë të Bashkimit Evropian Kaja Kallas, dhe Sekretarit amerikan të Shtetit Marko (Marco) Rubio”.

Kështu raportoi enti mediatik amerikan “Axios” (i përfolur si i lidhur me Inteligjencën amerikane).

Përfaqësuesja e Lartë Kallas vuri në dukje se Sekretari Rubio, në të njëjtin forum një vit më parë, kishte deklaruar se nëse Moska do të pengonte përpjekjet e ShBA-ës për t'i dhënë fund luftës, ShBA-ës do të humbisnin durimin dhe do të ndërmerrnin veprime të mëtejshme kundër Kremlinit.

“Pas një viti, Rusia nuk ka lëvizur. Kur do të mbarojë durimi”, pyeti Përfaqësuesja e Lartë Kaja Kallas.

“Po bëjmë çmos. Nëse mendoni se mund të bëni më mirë, vazhdoni. Do të largohemi”, iu përgjigj Sekretari Rubio.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit