EKUADOR | PRESIDENTI DANIEL NOBOA: AMBASADORI KUBAN U DËBUA PËR NDËRHYRJE NË PUNËT E BRENDSHME; PARA SE TË IKTE DOGJI DOKUMENTE.

Kuito, Ekuador | Presidenti Daniel Noboa tha se dëbimi i ambasadorit të Kubës në Kuito, Basilio Gutierrez, ishte për shkak të ndërhyrjes në çështjet e brendshme politike të vendit.

Në një intervistë me entin mediatik “Radio Sucre”, Presidenti Noboa pohoi se diplomati dhe anëtarë të tjerë të misionit kubanez kishin qenë të përfshirë në aktivitete politike dhe madje edhe në veprime të konsideruara të dhunshme.

“Ne kemi gjetur ndërhyrje të konsiderueshme nga Kuba në aktivitetet politike dhe, në disa raste, madje edhe në veprime të dhunshme”, Presidenti Noboa - duke shtuar se vendimi ishte bazuar në prova të mjaftueshme.

Javën e kaluar, qeveria ekuadoriane e shpalli ambasadorin kubanez person non grata dhe i dha atij 48 orë për t'u larguar nga vendi së bashku me pjesën tjetër të stafit të misionit diplomatik, në përputhje me Konventën e Vjenës për Marrëdhëniet Diplomatike.

Pas njoftimit, Presidenti Noboa ndau një video në mediat sociale virtuale që tregonte njerëz duke djegur dokumente në ndërtesën e ambasadës kubaneze, duke pretenduar se kjo mund të jetë një përpjekje për të shkatërruar provat e aktiviteteve të parregullta.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit