DRONËT UKRAINAS GODITËN MBI NJË ZONË INDUSTRIALE 1500 KILOMETRA BRENDA RUSISË.

Moskë, Federata Ruse | “Dronët ukrainas sulmuan sot një zonë industriale 1500 kilometra brenda territorit rus, dhe një shpërthim ndodhi në një uzinë petrokimike”.

Autoritetet lokale raportuan, të cituara nga agjencia ruse e lajmeve “Interfax”.

Shpërthimi ndodhi në uzinën petrokimike Sterlitamak në Republikën e Bashkortostanit.

Sipas administratës së qytetit, një impiant për trajtimin e ujit ku punonin pesë veta u shemb pjesërisht, por nuk u raportuan vdekje apo lëndime.

Guvernatori i Bashkortostanit Radi (Rady) Khabirov, i cituar nga agjencia e lajmeve “Interfax”, tha se dy dronë u rrëzuan mbi Sterlitamak dhe se mbeturinat ranë në zonën industriale.

Sipas guvernatorit, uzinat e vendosura në këtë zonë po vazhdojnë funksionimin e tyre normalisht.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit