DIKTATORI VLADIMIR PUTIN I DËRGOI LETËR DIKTATORIT TË KORESË SË VERIUT KUM JONG UN KU I VURI NË DUKJE SE MIQËSIA MES NESH ËSHTË E PATHYESHME.

Moskë, Federata Ruse | “Presidenti rus Vladimir Putin përshëndeti miqësinë e pathyeshme me Korenë e Veriut në një letër të Vitit të Ri drejtuar udhëheqësit Kim Jong Un”.

Kështu raportuan mediat shtetërore.

Në mesazh (i cili u muar në Phenian javën e kaluar), ai vlerësoi pjesëmarrjen e ushtarëve të Koresë së Veriut në përpjekjet e luftës së Moskës kundër Ukrainës, duke thënë se kjo tregonte një vëllazëri militante midis dy kombeve.

Agjencitë e inteligjencës së Koresë së Jugut dhe ato perëndimore vlerësuan se Koreja e Veriut dërgoi më shumë se 10 mijë trupa në Rusi në vitin 2024, kryesisht në rajonin e Kurskut, së bashku me predha artilerie, raketa dhe sisteme raketash me rreze të gjatë veprimi.

“Ndërhyrja heroike e ushtarëve të Ushtrisë Popullore Koreane në betejat për të çliruar rajonin e Kurskut nga pushtuesit dhe aktivitetet pasuese të inxhinierëve koreanë në tokën ruse demonstruan qartë miqësinë e pathyeshme”, shkroi udhëheqësi Putin, sipas agjencisë koreano-veriore të lajmeve “Kcna”.

Ai shtoi se dispozitat e një traktati historik gjithëpërfshirës të partneritetit strategjik të nënshkruar gjatë vizitës së tij në Phenian në qershor të vitit të kaluar po përmbusheshin falë përpjekjeve tona të përbashkëta.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit