ZËDHËNËSI I KREMLINIT DMITRI (DMITRY) PESKOV: PRESIDENTI VLADIMIR PUTIN ËSHTË GATI PËR DIALOG ME PRESIDENTIN EMANUEL MAKRON | PALLATI ELIZE THA SE NUK ËSHTË KUNDËR DIALOGUT.

Moskë, Federata Ruse | “Presidenti rus Vladimir Putin është i gatshëm për dialog me homologun e tij francez Emanuel Makron”.

Kështu tha zëdhënësi i Kremlinit, Dmitri (Dmitry) Peskov për agjencinë ruse të lajmeve “Ria Novosti”.

“Ai (Makron) tha se ishte gati të fliste me Putinin. Ndoshta është shumë e rëndësishme të kujtojmë atë që tha presidenti gjatë konferencës së tij vjetore për shtyp të premten e kaluar; ai shprehu gatishmërinë e tij për të folur me Makronin”, shpjegoi zëdhënësi Peskov.

Pallati Elize, nga ana e tij, e bëri të qartë se mirëpret gatishmërinë e Presidentit Putin për të folur me Presidentin Makron, duke thënë se do të vendosë në ditët në vijim kushtet sipas të cilave kjo mund të ndodhë.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit