BOLIVI | ZYRA E PROKURORIT TË PËRGJITHSHËM PO HETON REKRUTIMIN E TË RINJVE PËR LUFTË KUNDËR UKRAINËS.

La Paz, Bolivi | Zyra e Prokurorit të Përgjithshëm ka hapur një hetim penal paraprak ex officio mbi rekrutimin e dyshuar të qytetarëve të vendit të Amerikës së Jugut për të luftuar në luftën në Ukrainë.

Hetimi nisi pas një ankese nga familjet e dy kushërinjve, Ivan Valdivia dhe Jose Maria Soleto Aiala (Ayala), të cilët u nisën për në Rusi më 3 prill me premtimin e një kontrate pune.

Sipas të afërmve, ata u rekrutuan në forcat ruse.

Mediat kryesore boliviane raportuan hetimin, duke specifikuar se Prokurori i Përgjithshëm Roger Mariaca njoftoi se hetimi do të kryhet nga njësia e specializuar kundër trafikimit të qenieve njerëzore dhe kontrabandës, ndërsa policia ka nisur gjithashtu hetime për të përcaktuar se kush mund t'i ketë rekrutuar dy të rinjtë dhe si.

Familjet, të cilat mbajtën një vigjilje simbolike sot pasi mësuan për vdekjet e tyre të hamendësuara në front, thonë se kanë marrë fotografi dhe video që i tregojnë ata me uniformë ushtarake së bashku me ushtarët rusë.

Dyshohet se të dyve iu premtua një kompensim prej 16 mijë dollarësh, por të afërmit pretendojnë se ata morën vetëm 3 mijë dollarë përpara se të humbnin kontaktin me ta.

Shënim: Çdo subjekt i përmendur në përmbajtjen e këtij artikulli, mbështetur mbi parimin kombëtar procedurial penal dhe universal të prezumimit të pafajsisë, konsiderohet i pafajshëm penalisht, gjer në çastin kur ndaj tij, nga autoritetet kompetente shqiptare ose të huaja, do të jepet një vendim penal, i formës së prerë.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit