BOLIVI | PRESIDENTI I DJATHTË RODRIGO PAZ: NË BOLIVI KA NARKOTERRORIZËM DHE TRAFIKANTË DROGE; PARATË E DROGËS JANË INFILTRUAR NË EKONOMI DHE NË INSTITUCIONE.

La Paz, Bolivi | “Në këtë vend ka narkoterrorizëm, ka terroristë dhe ka trafikantë droge”.

Kështu tha presidenti i djathtë Rodrigo Paz, gjatë një fjalimi në Forumin Ekonomik të Dhomës së Industrisë, Tregtisë, Shërbimeve dhe Turizmit të Santa Kruzit (Cainco).

Presidenti Paz tha se trafiku i drogës ka depërtuar në flukset ekonomike dhe financiare dhe në disa institucione, duke shkaktuar edhe kriza institucionale.

Presidenti Paz e lidhi arrestimin e trafikantit uruguaian të drogës Sebastian Marset, i arrestuar në Santa Kruz më 13 mars dhe më pas i transferuar në Shtetet e Bashkuara të Amerikës, me një çekuilibrim në strukturat kriminale aktive në Bolivi.

Sipas presidentit Paz, operacioni kundër trafikantit Marset ishte një nga sfidat më të mëdha me të cilat u përball qeveria e tij dhe shkaktoi konflikte të vazhdueshme shoqërore dhe politike.

Presidenti Paz tha se 53 ditët e krizës që i paraprinë shpalljes së gjendjes së jashtëzakonshme ishin një përpjekje për të minuar demokracinë dhe strukturën kushtetuese të vendit.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit