BOLIVI | MINATORËT KËRKOJNË DORËHEQJEN E PRESIDENTIT RODRIGO PAZ; PËRLESHJE DHE BARRIKADA NË QENDËR TË KRYEQYTETIT.

La Paz, Bolivi | Përleshje të dhunshme midis minatorëve dhe policisë shpërthyen sot në qendër të La Paz gjatë një proteste kundër qeverisë së Presidentit Rodrigo Paz.

Sipas dëshmitarëve, protestuesit u përpoqën të arrinin në “Plaza Murillo”, ku ndodhet pallati presidencial, duke hedhur shkopinj dinamiti dhe gurë drejt forcave të sigurisë.

Protestat, të mbështetura edhe nga sindikatat bujqësore dhe mësuesit ruralë, kërkojnë akses më të madh në karburant dhe eksplozivë për sektorin e minierave, si dhe masa urgjente për të luftuar krizën ekonomike, të përkeqësuar nga mungesa e dollarit dhe rënia e prodhimit vendas të energjisë.

Disa protestues kanë kërkuar dorëheqjen e Paz, i cili u zgjodh vetëm gjashtë muaj më parë me premtimin për të ringjallur ekonominë.

Akte vandalizmi kundër ndërtesave publike janë raportuar në qendër të kryeqytetit, ndërsa bllokimet e rrugëve po shkaktojnë mungesa të ushqimit, ilaçeve dhe oksigjenit në spitale.

Qeveria, raportojnë mediat lokale, akuzon opozitën dhe ish-presidentin Evo Morales për nxitjen e protestave.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit