BALLKANI: MINISTRI I JASHTËM ITALIAN TAJANI THA SE ANËTARËSIMI MUND TË PRITET PARA VITIT 2030.

Bruksel, Belgjikë | “Presidenti i Këshillit Europian Karl Mishel (Charles Michel) tha pranim deri në vitin 2030”, por besoj se kjo datë mund të çohet përpara.

Kështu deklaroi ministri i Jashtëm Antonio Tajani në një konferencë për shtyp të organizuar pas takimit në Romë të ministrave të jashtëm të Grupit “Miqtë e Ballkanit Perëndimor”, dhe ministrave të Jashtëm të Ballkanit Perëndimor.

Ministri Tajani, me këtë rast, përsëriti se Italia është në favor të një “përshpejtimi” të procesit të zgjerimit të BE-së.

“Ne kemi zgjedhur të mbrojmë kufirin lindor, duke kërkuar pezullimin e Schengen-it për shkak të rrezikut të rritjes së emigracionit të parregullt përmes rrugës ballkanike. Duke qenë se situata që është krijuar në Lindjen e Mesme mund të shkaktojë praninë e terroristëve përgjatë kësaj rruge, ne kërkuam që të mund të verifikonim në mënyrë më shkencore hyrjet e të huajve në Itali”, tha ministri i Jashtëm Antonio Tajani, në një konferencë për shtyp në Farnesina, me rastin e takimit ministror për Ballkanin Perëndimor.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit