AZERBAJXHAN | QEVERIA NDALOI MBAJTJEN E FEREXHESË DHE TË HIXHABIT NË SHKOLLA; U MBAJTËN PROTESTA NË TË GJITHË VENDIN; TURQIA AKUZOHET SI NXITËSE E PROTESTAVE.

Baku, Azerbajxhan | Vendimi i qeverisë për t'ua ndaluar në mënyrë të tërthortë nxënësve dhe stafit të shkollave mbajtjen e ferexhesë dhe të hixhabit në shkolla ka shkaktuar protesta dhe ka rritur tensionet e fshehura diplomatike me Turqinë.

Amendamenti i miratuar muajin e kaluar nuk prezantoi një ndalim të qartë për shaminë islamike, por ndaloi veshjen në shkolla të veshjeve që, sipas qeverisë, shkelin parimin e sekularizmit.

Disa shkolla kanë filluar t'u ndalojnë nxënësve dhe mësuesve të ndjekin mësimet.

“Autoritetet kanë raportuar 37 arrestime në lidhje me trazirat në Baku, ndërsa polemika ka shkaktuar një debat më të gjerë mbi lirinë fetare, sekularizmin dhe aksesin në arsim”.

Kështu raportoi enti mediatik jordanez “Roya News”.

Përafërsisht 96% e popullsisë së Azerbajxhanit identifikohet si myslimane.

Kushtetuta e përcakton vendin si sekular, ndërsa garanton lirinë fetare.

Masa shkaktoi protesta dhe një fushatë në mediat sociale në Azerbajxhan.

Tensionet mbi këtë çështje janë përhapur edhe në Turqi, ku disa protestues u mblodhën jashtë konsullatës së Azerbajxhanit në Stamboll për të protestuar kundër kufizimeve.

Presidenti i Azerbajxhanit, Ilham Aliev, ka lëshuar kritika të fshehta ndaj Turqisë - aleatit të ngushtë të Azerbajxhanit - për shkak të protestave.

Gjatë një fjalimi në kongresin e partisë së tij “Azerbajxhani i Ri”, presidenti Aliev kërkoi të mos ndërhyjmë në mënyrën tonë të jetesës, pa përmendur shprehimisht Turqinë.

Autoritetet e Ankarasë nuk janë përgjigjur zyrtarisht.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit