AVIONË USHTARAKË AMERIKANË FLUTURUAN MBI DETIN E KARAIBEVE | U REGJISTRUA KALIMI I NJË BOMBARDUESI B-52 DHE I DY AVIONËVE LUFTARAKË “F/A-18” + NJË “E-2”.

Karakas, Venezuelë | “Disa avionë ushtarakë amerikanë fluturuan mbi ujërat e Karaibeve të hënën midis bregdetit të Venezuelës dhe ishullit të Kuraçaos, të cilët, janë rreth 65 kilometra larg njëri-tjetrit”.

Ky lajm raportohet nga agjencia spanjolle e lajmeve “Efe”, e cila, ka parë në faqen e internetit të ndjekjes së fluturimeve “FlightRadar24”.

Konkretisht, u regjistrua kalimi i të paktën një bombarduesi B-52, dy avionëve luftarakë F/A-18 dhe një E-2, një aeroplan paralajmërimi të hershëm dhe kontrolli operacionesh.

Kjo mbingarkesë trafiku përkon me anulimet e fluturimeve nga linjat ajrore ndërkombëtare, pasi Administrata Federale e Aviacionit të ShBA-ës (FAA) të shtunën e kaluar u kërkoi linjave ajrore të jenë jashtëzakonisht të kujdesshme kur fluturojnë mbi territorin e Venezuelës.

Që atëherë, të paktën 22 fluturime që nisen nga Karakasi janë anuluar.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit