AUTORITETET E TUNIZISË VENDOSËN NË ARREST SHTËPIAK UDHËHEQËSIN E OPOZITËS.

Tunizi | Autoritetet tuniziane vendosën të shtunën nën arrest shtëpiak z. Abdel Karim Harouni, kreun e këshillit këshillimor të partisë Ennhada, dhe një figurë e lartë e opozitës, sipas një deklarate të lëshuar nga Fronti i Shpëtimit Kombëtar, koalicioni kryesor opozitar i Tunizisë. Fronti Kombëtar i Shpëtimit e quajti vendimin arbitrar, duke thënë se ai synon mospajtimin, dhe ndërhyn në punët e brendshme të partive politike. Mbajtja nën arrest shtëpiak e z. Karim Haruni, vjen pas mbylljes së fundit të zyrave të partisë dhe arrestimeve masive të udhëheqjes së partisë Ennahda. Ennahda ka shërbyer si partia më e madhe opozitare, që nga rrëzimi i autokratit shumëvjeçar Zine El Abidine Ben Ali, në vitin 2011. Presidenti Kais Saied është përballur me akuza për konsolidimin e pushtetit, dhe goditjen e rivalëve politikë, që nga marrja e pushteteve gjithëpërfshirëse, vitin e kaluar. Gjatë vitit të kaluar, qindra janë arrestuar me disa figura të shquara si Rached Ghannouchi, dhe Ali Laarayedh të mbajtur për muaj të tërë. Presioni ndërkombëtar mbi Tunizinë është rritur, për shkak të përkeqësimit të kushteve të të drejtave të njeriut. Në maj, Gjykata Afrikane për të Drejtat e Njeriut dhe të Popullit, dhe masa të përkohshme për të paraburgosurit, duke përmendur dëmtimin e afërt, dhe mungesën e procesit të duhur. Ajo urdhëroi Tunizinë, të shpjegojë bazën ligjore për ndalimet, dhe të sigurojë aksesin tek avokatët. Megjithatë, familjet raportojnë ende përkeqësim të trajtimit të të burgosurve, dhe gjyqtarë që vazhdojnë dënimet me dekada të tëra burg pa prova të qarta. Nga z. Erton Duka.

© Copyright | Agjencia Telegrafike Vox