GREQI | TRE QYTETARË SHQIPTARË U ARRESTUAN TË AKUZUAR SI TË PËRFSHIRË NË TË SHTËNA ME ARMË ZJARRI NDAJ NJË QYTETARI PAKISTANEZ.

Athinë, Greqi | Në funksion të luftës institucionale ndaj Agjenturës së Krimit Ordiner strukturat vendore të Policisë arrestuan:

1- Tre subjekte (meshkuj) të përfshirë në të shtëna me armë zjarri në qendër të Athinës.

“Ata u arrestuan pas një ndjekjeje me makinë pas një të shtëne me armë në një dyqan telefonash celularë në qendër të Athinës të mërkurën”, tha Policia vendore.

Sulmi i pasdites ndodhi në Shëtitoren “Patission”, në një dyqan në pronësi të një shtetasi pakistanez i cili u qëllua në këmbë.

Nuk kishte asnjë referencë për një përpjekje për të grabitur viktimën dhe motivi i sulmit nuk ishte menjëherë i qartë.

Dorasi që qëlloi pronarin e dyqanit iku me një makinë me tre persona të tjerë në të.

Policia i pikasi ata në rrugën “Kifissou” dhe i ndoqi, duke e detyruar makinën të ndalonte. Njëri nga burrat arriti të arratisej, ndërsa të tjerët u arrestuan.

Enti mediatik “ERT” raportoi se të tre ishin qytetarë shqiptarë.

Shënim: Çdo subjekt i përmendur në përmbajtjen e këtij artikulli, mbështetur mbi parimin kombëtar procedurial penal dhe universal të prezumimit të pafajsisë, konsiderohet i pafajshëm penalisht, gjer në çastin kur ndaj tij, nga autoritetet kompetente shqiptare ose të huaja, do të jepet një vendim penal, i formës së prerë.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit