ARGJENTINË | U BË THIRRJE PËR TUBIME PËR TË PËRKUJTUAR GRUSHTIN USHTARAK TË SHTETIT TË 24 MARSIT 1976.

Buenos Aires, Argjentinë | Pesëdhjetë vjet pas grushtit të shtetit ushtarak të 24 marsit 1976, organizatat e të drejtave të njeriut, grupet politike, sindikatat dhe lëvizjet shoqërore bënë thirrje për demonstrata në Sheshin e Majit (Plaza de Mayo) të Buenos Airesit dhe në qytetet kryesore në të gjithë vendin për të përkujtuar “Ditën e Kujtimit, të Vërtetës dhe të Drejtësisë”.

Siç ndodh çdo vit, qytetarët/et morën pjesë, dhe një dokument u lexua në skenën e ngritur përpara “Casa Rosada”, duke riafirmuar rëndësinë e kujtesës dhe duke përsëritur kërkesat për të vërtetën dhe drejtësinë për krimet e diktaturës, përveç “Nunca Más” (Kurrë më) historike.

Pesëdhjetë vjet më vonë, organizatat që përfaqësojnë familjet e viktimave të terrorizmit shtetëror nuk kërkojnë më rishfaqjen e të dashurve të tyre, por kërkojnë që pakti i heshtjes i ushtrisë të thyhet.

Ky pakt, ende pengon gjetjen e trupave të të zhdukurve (vetëm 1400 janë gjetur) ose zbulimin e identiteteve të më shumë se 400 fëmijëve të lindur dhe të marrë nga qendrat klandestine të paraburgimit: “Qué digan donde están” (Le të thonë se ku janë).

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit