ARGJENTINË | MINISTRI I EKONOMISË LUIS KAPUTO (CAPUTO): JAPONIA RIHAPI TREGUN PËR MISHIN E VIÇIT ARGJENTINAS PAS 20 VITESH.

Buenos Aires, Argjentinë | “Pas 20 vitesh, Japonia ka rihapur tregun e saj për mishin e viçit argjentinas”.

Kështu njoftoi ministri argjentinas i ekonomisë, Luis Kaputo (Caputo), në rrjetin shoqëror virtual Iks (X), duke e quajtur aktin një marrëveshje historike të arritur pas negociatave të nisura në vitin 2024 nga autoritetet argjentinase.

Japonia importon mbi 3 miliardë dollarë mish viçi me cilësi të lartë nga e gjithë bota çdo vit.

Kjo hapje, krijon mundësi të reja për prodhimin dhe eksportet argjentinase.

Marrëveshja njeh gjithashtu cilësinë e mishit argjentinas dhe qëndrueshmërinë e sistemit të kujdesit shëndetësor.

“Më shumë tregje, integrim më i madh ndërkombëtar për Argjentinën, më shumë eksporte dhe më shumë mundësi për vendin”, - tha ministri Kaputo (Caputo).

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit