ALGJERI | UDHËHEQËSIT AFRIKANË U MBLODHËN PËR TË KËRKUAR NJOHJE DHE DËMSHPËRBLIME PËR KRIMET E EPOKËS KOLONIALE.

Algjer, Algjeri | Udhëheqësit afrikanë u mblodhën në Algjer të dielën për Konferencën mbi Krimet e Kolonializmit në Afrikë.

Konferenca ishte një hap tjetër në planin e veprimit të Bashkimit Afrikan për të çuar përpara drejtësinë dhe dëmshpërblimet për afrikanët.

Ministri i Punëve të Jashtme i Algjerisë, Ahmed Attaf, e hapi konferencën me një thirrje që udhëheqësit të ndjekin gjurmët e paraardhësve të tyre që rezistuan në epokën koloniale.

Ai përshkroi fushat kryesore të fokusit të konferencës si kërkesat për kriminalizim ligjor dhe të qartë të kolonializmit, kompensim të drejtë dhe kthim të pronës së vjedhur.

Ai i përcaktoi këto dëmshpërblime si një të drejtë legjitime të sanksionuar në të drejtën ndërkombëtare dhe normat e njohura universalisht.

Ministri Attaf e përfundoi fjalimin e tij duke përcaktuar tonin për rrugën përpara nga kjo konferencë ku tha se:

1- “Ajo që na bashkon sot nuk është thjesht një slogan që duhet ngritur, por një besim mbi supet tona; një besim që nuk kemi zgjidhje tjetër veçse ta përmbushim, absolut dhe detyrues.

Le të jemi vërtet të denjë për këtë besim, të denjë për sakrificat e të gjithë paraardhësve tanë fisnikë dhe të denjë për të shkruar një kapitull të ri që nderon historinë tonë, ngre dinjitetin tonë dhe ndriçon të ardhmen tonë”.

Ministri Attaf theksoi ndikimet afatgjata të gjenocideve në Kongo, Kamerun dhe Namibi, si dhe të praktikave koloniale në vende të tjera afrikane, përfshirë Algjerinë nën sundimin francez.

Ai rrëfeu masakrat që filluan në vitin 1830, deri në Luftën e Pavarësisë midis viteve 1954 dhe 1962.

Kjo konferencë vjen pas Rezolutës XXXVIII të AU-së, e cila, pohoi rëndësinë e këtyre bisedave dhe mirëpriti ofertën e presidentit të Algjerisë për të pritur konferencën.

AU-ja e përkufizon drejtësinë dëmshpërblyese në shumë mënyra.

Për AU-në, ajo përfshin një sërë iniciativash që synojnë të trajtojnë padrejtësitë e kolonizimit, skllavërisë dhe diskriminimit sistemik, siç janë dëmshpërblimet financiare, kthimi i tokës, llogaridhënia ndërkombëtare dhe fuqizimi i komunitetit.

Ministri Attaf theksoi se Algjeria identifikohet plotësisht me këto objektiva thelbësore, duke vënë përsëri në dukje të drejtat e vendeve afrikane për të bërë këto kërkesa.

Kjo konferencë zhvillohet në një sfond të njohjes së vazhdueshme të historisë koloniale të Afrikës në skenën ndërkombëtare.

OKB-ja më parë ka njohur një tendencë të shteteve evropiane për të kërkuar falje dhe për të trajtuar dëmet, por asnjë shtet nuk ka dhënë llogari gjithëpërfshirëse për ndikimet e kaluara dhe të vazhdueshme.

Kjo çështje është njohur në mënyrë të ngjashme nga organizata jo-qeveritare Human Rights Watch.

Franca ka pranuar zyrtarisht disa mizori koloniale, përfshirë një masakër të vitit 1944 në Senegal në vitin 2024.

Presidenti i Francës, Emanuel Makron, ka zgjedhur të mos kërkojë falje në mënyrë të qartë për rolin e vendit të tij në kolonizim, duke thënë në vend të kësaj më parë këtë vit se:

1- “Dialogu duhet të vazhdojë. Kjo është ajo që më intereson më shumë… Më e keqja do të ishte që të gjithë të kërkojnë falje dhe secili të shkojë në rrugën e vet”.

Konferenca vazhdoi të hënën me një raport mbi pikat kryesore të diskutimeve të udhëheqësve afrikanë që pritet të pasojnë.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit