AGJENCIA E MBIKQYRJES POLICORE EKZEKUTOI VENDIMET E GJYKATËS PËR 5 POLICË | EMRAT 1 PËR 1.

Tiranë, Shqipëri | Agjencia Rajonale e Mbikëqyrjes Policore (Fier-Berat), ekzekutoi vendimet penale të Gjykatës së Shkallës së Parë të Juridiksionit të Përgjithshëm Fier të shqiptuara ndaj 5 punonjësve të Policisë së Shtetit, të dyshuar për kryerjen e veprave penale të:

1- “Shpërdorim i detyrës”.

2- “Falsifikim i dokumentave”.

Kumtohet se ndaj punonjësve të Policisë së Shtetit, janë shqiptuar masat e:

1- “Pezullimi i ushtrimit të një detyre a shërbimi publik”.

2- “Ndalim i daljes jashtë shtetit”.

Punonjësit e Policisë së Shtetit të pezullaur janë:

1- Komisari Emin Harizi.

2- Nënkomisari Dritan Veliu.

3- Nënkomisari Vasillaq Thomanasto.

4- Nënkomisari Ervis Balla.

5- Nënkimisari Flatun Hoxha.

Sipas akteve hetimore të sipërcituarit gjatë kryerjes së detyrave funksionale në strukturat e Policisë së Shtetit, në bashkëpunim me njëri-tjetrin, kanë kryer falsifikimin e praktikave për ndjekjen e procedurave të mjeteve të shpallura “Alert”, duke paraqitur fakte të rreme dhe duke mos pezulluar lejet e drejtimit të shkelësve të Kodit Rrugor.

Njoftimi | Agjencia e Mbikëqyrjes Policore (Rajoni Fier-Berat) ka ekzekutuar vendimin e Gjykatës së Shkallës së Parë të Juridiksionit të Përgjithshëm Fier ndaj 5 punonjësve të policisë, të dyshuar për kryerjen e veprave penale “Shpërdorim i detyrës” dhe “Falsifikim i dokumentave, si më poshtë vijon;

– Komisar E. H., me detyrë Shef Seksioni i Trafikut Interurban dhe Urban në DVP Fier, me masën e sigurimit personal me karakter ndalues “Pezullimi i ushtrimit të një detyre a shërbimi publik” dhe “Ndalim i daljes jashtë shtetit”.

– Nënkomisar D. V., me detyrë në kohën e kryerjes së veprës penale Specialist në Seksionin e Trafikut Interurban dhe Urban në DVP Durrës, me masën e sigurimit personal me karakter ndalues “Pezullimi i ushtrimit të një detyre a shërbimi publik” dhe “Ndalim i daljes jashtë shtetit”, aktualisht mban detyrën e Specialistit për Rendin, në Seksionin e Rendit Publik, në Komisariatin e Policisë Kukës, në DVP Kukës.

– Nënkomisar V. TH., me detyrë Specialist Shërbimi në Seksionin e Trafikut Interurban dhe Urban në DVP Fier, me masën e sigurimit personal me karakter ndalues “Pezullimi i ushtrimit të një detyre a shërbimi publik” dhe “Ndalim i daljes jashtë shtetit”.

– Nënkomisar E. B., me detyrë në kohën e kryerjes së veprës penale Specialist Shërbimi në Seksionin e Trafikut Interurban dhe Urban në DVP Fier, me masën e sigurimit personal me karakter ndalues “Pezullimi i ushtrimit të një detyre a shërbimi publik” dhe “Ndalim i daljes jashtë shtetit”.

– Nënkomisar F. H., me detyrë Specialist Shërbimi në Seksionin e Trafikut Interurban dhe Urban në DVP Fier, me masën e sigurimit personal me karakter ndalues “Pezullimi i ushtrimit të një detyre a shërbimi publik” dhe “Ndalim i daljes jashtë shtetit”.

Vendimi i Gjykatës erdhi në funksion të Procedimit Penal të vitit 2023, hetuar për veprat penale “Shpërdorimi i detyrës”. Ky procedimi penal është ndjekur duke përdorur metoda të posacme të hetimit, nga ku u dokumentua me prova se punonjësit e policisë të sipërpërmendur, gjatë kryerjes së detyrës funksionale, në bashkëpunim me njëri-tjetrin, kryenin falsifikimin e praktikave për ndjekjen e procedurave të mjeteve të shpallura “Alert”, duke paraqitur fakte të rreme dhe duke mos pezulluar lejen e drejtimit të shkelësve të Kodit Rrugor, thuhet në një njoftim të Agjencisë së Mbikqyrjes Policore. Shënim: Çdo subjekt i përmendur në përmbajtjen e këtij artikulli, mbështetur mbi parimin kombëtar procedurial penal dhe universal të prezumimit të pafajsisë, konsiderohet i pafajshëm penalisht, gjer në çastin kur ndaj tij, nga autoritetet kompetente shqiptare ose të huaja, do të jepet një vendim penal, i formës së prerë.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit