ÇEKI | DEMONSTRATË KUNDËR QEVERISË SË KRYEMINISTRIT ANDREJ BABIS; MBI 200 MIJË VETA MORËN PJESË NË TUBIMIN PRO-DEMOKRACISË.

Pragë, Çeki | Një demonstratë antiqeveritare e thirrur nga iniciativa “Një milion momente për demokracinë” u zhvillua sot në Pragë.

Sipas z. Mikulas Minar, udhëheqësit të iniciativës, eventi synon të tërheqë vëmendjen ndaj rreziqeve të erozionit të demokracisë, oligarkisë së shoqërisë dhe masave të ndërmarra nga qeveria e Kryeministrit Andrej Babis.

Nën sloganin “Le të mos e lejojmë të na vidhet e ardhmja”, organizatorët dhe përfaqësuesit e kulturës dhe shkencës paralajmëruan kundër dobësimit të institucioneve demokratike, presionit mbi median publike dhe shkurtimeve në shpenzimet e mbrojtjes.

Sipas pamjeve ajrore, numri i protestuesve ishte të paktën midis 200 mijë dhe 250 mijë.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit