VIÇENCË; ITALI | SHTËPIA E GAZETARIT ADRIANO KAPELARI (CAPPELLARI) U SULMUA ME SHISHE MOLOTOV.

Viçencë, Itali | Në funksion të luftës institucionale ndaj Agjenturës së Krimit Ordiner strukturat vendore të Policisë së Shtetit (Polizia di Stato) morën dijeni se:

1- Shtëpia e gazetarit Adriano Kapelari (Cappellari), nga Enego, ishte cak i një sulmi zjarrvënës mbrëmë.

Ai kishte marrë letra anonime që përmbanin kërcënime dhe ftesa për të ndaluar veprimtarinë e tij, disa të shoqëruara me fotografi dhe referenca të drejtpërdrejta për artikujt e tij dhe subjektet e treguara; kërcënime kishte edhe kundër Kryeministres Xhorxha (Giorgia) Meloni dhe At Mauricio Patriçielos (Don Maurizio Patriciello).

Subjekte të paidentifikuar hodhën një ose më shumë shishe molotovi, duke lënë edhe bombola gazi.

“Dua të shpreh gjithë afërsinë time me Adriano Kapelarin, i cili ishte objekt i një sulmi shumë të rëndë zjarrvënës në shtëpinë e tij në Enego këtë natë.

Kërcënimi i një gazetari që zgjedh të hedhë dritë mbi realitete të vështira si ajo e Kaivano-s dhe mbi angazhimin e vlefshëm të atyre që, si At Mauricio Patriçielo (Don Maurizio Patriciello), janë në vijën e parë në shërbim të komunitetit të tyre, është i papranueshëm dhe përfaqëson një sulm të papranueshëm ndaj lirisë së shtypit dhe informacionit”.

Kështu tha Kryeministrja Xhorxha (Giorgia) Meloni.

Pamje fotografike amatore nga vendi i ngjarjes kriminale

Shënim: Çdo subjekt i përmendur në përmbajtjen e këtij artikulli, mbështetur mbi parimin kombëtar procedurial penal dhe universal të prezumimit të pafajsisë, konsiderohet i pafajshëm penalisht, gjer në çastin kur ndaj tij, nga autoritetet kompetente shqiptare ose të huaja, do të jepet një vendim penal, i formës së prerë.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit