VENEZUELA DHE KOLUMBIA RANË DAKORD TË BASHKËPUNOJNË PËR TË LUFTUAR MAFIEN E DROGËS.

Karakas, Venezuelë | Pas takimit me Presidentin kolumbian Gustavo Petro në Karakas, Presidentja e përkohshme e Venezuelës Delsi (Delcy) Rodriguez pohoi fillimin e një faze të re midis dy vendeve, me ndarjen e informacionit dhe burimeve të inteligjencës kundër krimit të organizuar të lidhur me ish-guerilasit ELN-it dhe FARC-ut përgjatë kufirit të gjerë të përbashkët.

“Ne kishim rënë dakord për planet ushtarake”, tha Presidentja e përkohëshme Rodriguez, duke shtuar se një mekanizëm i përbashkët do të aktivizohej menjëherë, pa sqaruar nëse do të kishte veprime ushtarake në terren.

Presidenti kolumbian Petro foli për veprime ushtarake, policore dhe sociale për të goditur trafikun e drogës, trafikimin e paligjshëm dhe grupet e armatosura përgjatë më shumë se 2200 kilometrave kufi.

Njoftimi shënon një largim nga politikat e ish-qeverive të diktatorëve Hugo Çavez (Chávez) dhe Nikolas (Nicolás) Maduro, të cilët, janë akuzuar vazhdimisht për tolerimin e grupeve të parregullta në rajonin kufitar.

Në frontin e energjisë, Bogotaja do të furnizojë me energji elektrike Venezuelën perëndimore, e cila, po vuan nga racionimi i energjisë deri në tetë orë në ditë, ndërsa Karakasi planifikon të eksportojë gaz në Kolumbi dhe vende të tjera.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit