VATIKAN | PAPA LEO XIV-të: SPORTI TË MËSON VLERA FISNIKE.

Vatikan | Papa Leo XIV-të priti në Vatikan atletët e Olimpiadës Speciale, një organizatë që promovon sportet për njerëzit me aftësi të kufizuara, veçanërisht ato me aftësi të kufizuara intelektuale.

“Edhe unë e dua sportin dhe jam i bindur për vlerën e tij të madhe edukative, sepse i edukon individët me vlera fisnike dhe autentike; gjithashtu ofron mundësinë për të demonstruar këto vlera në aktivitete konkurruese dhe amatore, dhe mbi të gjitha në jetën e atletëve”.

Kështu tha Papa Leo XIV-të.

“Të marrësh pjesë në sport do të thotë të angazhohesh seriozisht dhe me përpjekje, dhe më pas të ndash frytet e këmbënguljes sate me besnikëri, besim, hapje, frymë ekipore dhe guxim.

Ju i bëni të gjitha këto dhe e tregoni bukurinë e saj në një mënyrë vërtet të veçantë, për ata që marrin pjesë dhe i shikojnë garat dhe për ata që ju njohin dhe ju takojnë.

Bota jonë ka shumë nevojë për njerëz që, si ju, u kujtojnë të gjithëve vlerat e vërteta të jetës; për burra dhe gra që tregojnë me shembull se si rruga e ndarjes dhe e dashurisë është e vetmja që të çon vërtet në lumturi dhe paqe”, - tha Papa Leo XIV-të.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit