UKRAINË | PRESIDENTI VOLODIMIR ZELENSKI: PËRSHËNDES SANKSIONET E REJA TË SHBA-ës KUNDËR RUSISË.

Kiev, Ukrainë | “Ne e vlerësojmë mbështetjen e Shteteve të Bashkuara, të të dyja palëve dhe të amerikanëve”.

Kështu tha presidenti Volodimir Zelenski, duke shtuar se ishte jashtëzakonisht mirënjohës ndaj Senatit të ShBA-ës dhe të gjithë atyre që mbështesin Ukrainën.

“Miratimi i Aktit Lindsei Graham për Sanksionimin e Rusisë dhe Iranit sigurisht që ndihmon në rritjen e presionit mbi agresorin për t'i dhënë fund kësaj lufte të çmendur ruse kundër pavarësisë dhe popullit tonë.

Ukraina vlerëson TË GJITHË mbështetjen që Shtetet e Bashkuara po i japin Ukrainës, si nga të dyja palët ashtu edhe nga i gjithë populli amerikan.

Dhe pikërisht tani, me Putinin që po bën bastin e tij të fundit me raketat balistike për të zgjatur luftën, dhe ndërsa ne po kërkojmë në çdo cep të botës me kaq shumë vështirësi raketat Patriot për të na mbrojtur, çdo shenjë mbështetjeje për mbrojtjen e jetëve dhe për përfundimin e luftës sa më shpejt të jetë e mundur është jashtëzakonisht e rëndësishme.

Presioni i vërtetë dhe i fortë amerikan dhe sanksionet kundër Rusisë janë ato që do të ndihmojnë më shumë.

Diplomacia afrohet duke ushtruar presion mbi agresorin.

Faleminderit të gjithëve që e kuptojnë këtë dhe promovojnë PAQEN përmes FORCËS”, - tha presidenti Volodimir Zelenski.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit