UKRAINË | PRESIDENTI VOLODIMIR ZELENSKI: DY RAFINERI NË RUSI DHE ANIJE NË DETIN E ZI U GODITËN.

Kiev, Ukrainë | “Forcat Mbrojtëse të Ukrainës goditën objektet e agresorit rus më shumë se 1300 kilometra nga vija e frontit.

Në Bashkortostan, u godit rafineria Bashneft-Novoil.

Në rajonin e Jaroslavlit, pothuajse 700 kilometra larg kufirit tonë, u godit rafineria Slavneft-Yanos”.

Kështu shkroi presidenti Volodimir Zelenski në rrjetin shoqëror virtual Iks (X), duke specifikuar se sulmet ndërkufitare synojnë kufizimin e të ardhurave të Rusisë nga nafta, të cilat ajo i përdor për të financuar luftën dhe vrasjen e ukrainasve.

“Përgjigjet tona ndaj agresionit rus në Detin e Zi janë kurorëzuar gjithashtu me sukses. Në veçanti, u goditën dy anije patrullimi ushtarake dhe anije të flotës në hije”, - tha presidenti Zelenski.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit