UKRAINË | PRESIDENTI VOLODIMIR ZELENSKI: PO BËJMË ATË QË ËSHTË E NEVOJSHME; ËSHTË E RËNDËSISHME QË BASHKIMI EVROPIAN TË MBAJË FJALËN.

Kiev, Ukrainë | “Falënderoj të gjithë bashkëqytetarët tanë që luftojnë për Ukrainën, punojnë për shtetin tonë dhe ndihmojnë në mbrojtjen e interesave tona kombëtare.

Gjithashtu falënderoj të gjithë partnerët tanë në Bashkimin Evropian dhe personalisht çdo udhëheqës për këtë hap të rëndësishëm të ndërmarrë për të mirën e Evropës.

Ukraina po mbron veten dhe, duke vepruar kështu, po mbron të gjithë Evropën; idenë se kombet evropiane mund të jetojnë së bashku, të lira dhe në paqe.

Siç e kemi thënë tashmë, Ukraina po bën atë që është e nevojshme dhe është e rëndësishme që edhe Bashkimi Evropian ta mbajë fjalën e tij.

Hapja e grupit të parë përfaqëson mbështetje të rëndësishme politike dhe morale për vendin dhe popullin tonë”.

Kështu shkroi presidenti Volodimir Zelenski në rrjetin social virtual Iks (X), duke ripostuar postimin e presidentes së Komisionit Evropian Ursula von der Leien (Leyen) që njoftonte miratimin e shteteve anëtare për të hapur raundin e parë të negociatave të pranimit me Ukrainën dhe Moldavinë.

“Gjithashtu e falënderojmë Evropën për gjithë mbështetjen e saj, një mbështetje që tregon lidership të vërtetë dhe na ndihmon të mbrojmë jetët njerëzore.

Gjithçka është bërë edhe për hapjen e grupeve të ardhshme. Së fundmi, e përgëzojmë Moldavinë për këtë hap, të cilin po e ndërmarrim së bashku”, tha ai.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit