UKRAINË | PRESIDENTI VOLODIMIR ZELENSKI: JAM GATI PËR NEGOCIATA TË DREJTPËRDREJTA ME PRESIDENTIN VLADIMIR PUTININ PËR T'I DHËNË FUND KONFLIKTIT NË UKRAINË.

Keiv, Ukrainë | Presidenti Volodimir Zelenski tha se është gati për negociata të drejtpërdrejta me homologun e tij rus Vladimir Putin për t'i dhënë fund konfliktit në Ukrainë.

Duke folur në një konferencë të përbashkët për shtyp me Sekretarin e Përgjithshëm të NATO-s Mark Rutte në Kiev, Presidenti Zelenski shpjegoi se Kievi është në kontakt të vazhdueshëm me ShBA-ës, por procesi i negociatave po përjeton vonesa të konsiderueshme.

“Presim që ekipi negociator të mbërrijë, por sipas mendimit tim po vonon shumë. Fatkeqësisht, ne nuk jemi në qendër të vëmendjes (për Shtetet e Bashkuara) sot. Irani është çështja numër një për SHBA-në dhe vetëm pas kësaj vjen Ukraina”.

Kështu tha Presidenti Zelenski.

“Për t'i dhënë fund kësaj lufte, jam gati për negociata të drejtpërdrejta me Putinin, në vend që të rri në radhë duke pritur që të gjithë të tjerët në botë t'i japin fund të gjitha konflikteve para se të vijnë tek ne”, shtoi ai.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit