UKRAINË | NË ZAPORIZHIA 13 VETA MBETËN TË PLAGOSUR NGA SULMET RUSE NDAJ NJË PALLATI.

Kiev, Ukrainë | “Rusia sulmoi qytetin jugor të Zaporizhias dhe rajonin përreth me bomba ajrore të drejtuara, duke plagosur të paktën 13 persona, përfshirë dy fëmijë”.

Kështu njoftuan autoritetet vendore - të cituara nga enti mediatik ukrainas “The Kyiv Independent”.

“Sulmet kishin në shënjestër Zaporizhian dhe fshatin Rozumivka, duke dëmtuar ndërtesa apartamentesh, shtëpi dhe infrastrukturë kritike”, tha zyra e prokurorit rajonal.

Disa makina u dëmtuan gjithashtu nga sulmet.

“Trembëdhjetë persona u plagosën”, tha guvernatori Ivan Fedorov.

Midis të plagosurve ishin dy fëmijë, një 11-vjeçar dhe një 12-vjeçar.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit