PRESIDENTI VOLODIMIR ZELENSKI: NUK KA KONSENSUS ME SHBA-ës PËR DONETSKUN DHE UZINËN BËRTHAMORE NË ZAPORIZHIA.

Kiev, Ukrainë | Presidenti Volodimir Zelenski tha se nuk ka konsensus me Shtetet e Bashkuara për territoret dhe centralin bërthamor Zaporizhzhia në planin e fundit.

“Plani i paqes kërkon që Shtetet e Bashkuara, Ukraina dhe Rusia të operojnë centralin bërthamor”, tha Presidenti Zelenski, në një takim me gazetarët.

“Ne nuk kemi arritur një konsensus me palën amerikane në lidhje me territorin e rajonit të Donetskut dhe centralin bërthamor Zaporizhzhia.

Jemi gati për një takim me Shtetet e Bashkuara në nivel udhëheqësish për të adresuar çështje të ndjeshme.

Vija e vendosjes së trupave në datën e marrëveshjes është vija e kontaktit e njohur de facto.

Një grup pune do të takohet për të përcaktuar ripozicionimin e forcave të nevojshme për t'i dhënë fund konfliktit, si dhe për të përcaktuar parametrat e zonave të mundshme të ardhshme të veçanta ekonomike.

Megjithatë, në lidhje me Zaporizhzhian, centrali bërthamor do të operohet bashkërisht nga tre vende: Ukraina, Shtetet e Bashkuara dhe Rusia. Për Ukrainën, kjo duket shumë e papërshtatshme dhe jo plotësisht realiste.

Ne do të marrim përgjigjen ruse pasi pala amerikane të ketë folur me ta”, tha Presidenti Zelenski.

Ky lajm u raportua nga agjencia franceze e lajmeve “Afp” dhe ajo italiane “Ansa”.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit