UKRAINË | AUTORITETET KANË NISUR NJË PROGRAM PËR TË NGRIRË SPERMËN E USHTARËVE NË FRONT; KRIZA DEMOGRAFIKE EKZISTONTE PARA PUSHTIMIT RUS POR TASHMË ËSHTË PËRKEQËSUAR.

Kiev, Ukrainë | “Që nga fillimi i luftës, Ukraina ka nisur një program për ngrirjen falas të spermës nga ushtarët në front”.

Kështu raporton enti mediatik “BBC” - duke theksuar se ligji kërkon që mostrat nga të gjithë ushtarët të ruhen falas deri në tre vjet pas vdekjes së tyre dhe të jenë të disponueshme për përdorim nga partneret e tyre me pëlqimin e tyre me shkrim.

Programi synon gjithashtu të trajtojë një krizë demografike që ekzistonte para pushtimit rus, por që është përkeqësuar nga numri i lartë i burrave të vrarë në aksion, shumë prej të cilëve ishin më të rinjtë dhe më të aftët e Ukrainës.

“Ne po mendojmë gjithashtu për të ardhmen dhe të gjithë të rinjtë që kemi humbur. Ushtarët tanë po mbrojnë të ardhmen tonë, por mund ta humbasin të tyren, kështu që ne donim t'u jepnim atyre këtë shans”.

Kështu tha për mediat britanike deputetja Oksana Dmitrieva, e cila, kontribuoi në projektligj.

Gjatë vizitave të saj në front, deputetja i nxiti ushtarët të flisnin për jetën e tyre seksuale dhe problemet e fertilitetit, si dhe të merrnin në konsideratë ngrirjen e spermës së tyre.

“Burrat tanë po vdesin. Fondi i gjeneve ukrainase po vdes. Mbijetesa e kombit tonë varet nga kjo”, tha ushtari Maksim për entin mediatik “BBC”, duke folur në telefon nga një pozicion afër vijës lindore të frontit.

35-vjeçari shërben në Gardën Kombëtare të Ukrainës; kur ai u kthye së fundmi me leje, gruaja e tij e bindi të shkonte në një klinikë në Kiev dhe të jepte një mostër sperme.

“Pavarësisht nëse jeni pikërisht në pikën zero të vijës së frontit apo 30 apo edhe 80 kilometra larg, nuk ka asnjë garanci se jeni të sigurt”, thotë ushtari, duke shpjeguar se dronët rusë që fluturojnë mbi zonë përbëjnë një kërcënim të vazhdueshëm.

Dhe kjo do të thotë stres, dhe mund të ketë një ndikim; kapaciteti riprodhues zvogëlohet.

Pra, duhet të mendojmë për të ardhmen dhe të ardhmen e kombit tonë ukrainas.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit