TURQI (TÜRKIYE) | PRESIDENTI REXHEP TAIP (RECEP TAYYIP) ERDOGAN: IZRAELI KA VRARË MIJËRA NJERËZ; ZOTI E SHKATËRROFTË.

Ankara, Turqi | Presidenti turk, Rexhep Taip (Recep Tayyip) Erdogan, akuzoi Izraelin për vrasjen e mijëra njerëzve, duke shtuar se shteti hebre do të paguajë çmimin.

“Ky Izrael sionist ka vrarë qindra e mijëra njerëz”, tha udhëheqësi turk mbrëmë gjatë një ceremonie që shënonte fundin e Ramazanit, pas lutjeve në një xhami në Rize, në bregdetin e Detit të Zi.

“Nuk kam dyshim se ai do ta paguajë çmimin”, tha Presidenti Ergogan - siç raportohet nga agjencia turke e lajmeve “Anadolu” - duke theksuar se Lindja e Mesme është e nxehtë tani.

“Ai, Dominuesi (Al-Kahrar), e shtyptë dhe shkatërroftë Izraelin”, tha Presidenti Erdogan - duke përdorur një nga emrat e përdorur në Islam për të përshkruar Zotin: Kahrar, që mund të përkthehet si Dominuesi ose Ai që nënshtron.

“Zoti na mbroftë dhe na ruajtë sa më shpejt të jetë e mundur nga fatkeqësia sioniste”, tha ai më tej në fjalimin e tij.

Nga z. Erton Duka.

© Copyright | Agjencia Telegrafike Vox

Ne të njohim me botën | Burimi yt i informacionit