TOSKANA MIRATOI LIGJIN PËR FUNDIN E JETËS; RAJONI I PARË NË ITALI | LIGJI U MIRATUA ME VOTAT E SË MAJTËS POLITIKE; E DJATHA THELLËSISHT KUNDËR.

Toskana, Itali | Toskana do të jetë rajoni i parë italian që u garanton pacientëve kohë dhe metoda të caktuara për të aksesuar vetëvrasjen e asistuar mjekësor.

Pas një debati të gjatë dhe të ashpër, i cili, filloi pasditen e djeshme dhe vijoi sot, Këshilli i Qarkut miratoi me shumicë votash ligjin e nismës popullore të promovuar nga Shoqata Luka Koshioni (Luca Coscioni): një tekst i paraqitur në të gjitha Qarqet, por deri tani nuk ka arritur kurrë miratimin.

Pro votuan Partia Demokratike (me përjashtim të këshilltares demokrate, Lucia De Robertis, e cila nuk votoi), Iv, M5s dhe grupi i përzier.

Përqafime dhe lot mes përfaqësuesve të Shoqatës Koshioni (Coscioni), të pranishëm në sallë në momentin e votimit përfundimtar.

“Ne u jemi mirënjohës këshilltarëve të Rajonit të Toskanës që miratuan ligjin tonë ‘Liberi subito’, i cili përcakton kohët dhe procedurat e ndihmës mjekësore në vdekjen vullnetare - komentoi sekretarja e Shoqatës Filomena Gallo - Është një ligj i qytetëruar sepse parandalon përsëritjen e rasteve, më së fundi atë të Glorias me shumë vite vuajtje”.

“Një ligj barbar dhe çnjerëzor”, proteston Pro Vita, e cila fton qeverinë të apelojë. Shumë deputetë të Vëllezërve të Italisë (FDI) e cilësojnë ligjin si jokushtetues, ndërsa presidenti i senatorëve të Forza Italia, Mauricio (Maurizio) Gasparri, e përkufizon atë si një detyrim serioz.

Në radhët e Partisë Demokratike, Paolo Çiani (Ciani) nuk është dakord dhe jo vetëm për arsye etike.

“Ndërsa ne po bëjmë një betejë kundër autonomisë së diferencuar, zgjedhja e autonomisë rajonale për çështjen e fundit të jetës nuk mund të shpjegohet”, tha ai.

Ligji “Liberi subito”, i depozituar marsin e kaluar nga Shoqata Koshioni (Coscioni) me mbi 10 mijë nënshkrime, u modifikua nga asambleja toskane përmes një duzinë ndryshimesh që synojnë marrjen e një rregulli procedural që dikton kohën dhe metodat e zbatimit të vetëvrasjes së asistuar në bazë të asaj që përcaktohet nga dënimet e Gjykatës Kushtetuese.

Teksti parashikon që procedura për verifikimin e kërkesave të pacientit nga komisioni i përhershëm multidisiplinor duhet të përfundojë brenda 20 ditëve nga marrja e kërkesës.

Nëse rezultati është pozitiv, miratimi ose përcaktimi i metodave për zbatimin e vetëvrasjes së asistuar mjekësor do të bëhet brenda 10 ditëve dhe brenda 7 ditëve të tjera dhe shoqëria shëndetësore do të sigurojë mbështetjen teknike, farmakologjike dhe shëndetësore për marrjen e barit.

Ligji përcakton që këto shërbime janë pa pagesë dhe ndahen 10 mijë euro në vit për tre vjet.

Përveç ndryshimeve, dhoma miratoi edhe dy mocione: një nga Iv për promovimin e kujdesit paliativ; dhe tjetra nga Partia Demokratike e cila kërkon ndërhyrje legjislative kombëtare.

Sipas Presidentit të Rajonit të Toskanës, Euxhenio Xhani (Eugenio Giani), Toskana ka dhënë një sinjal shumë të fortë.

Jam i bindur se ky votim do t'i japë një shtysë ligjvënësve kombëtarë, i cili, për aspektet e tij të kompetencës ka të drejtë t'i përgjigjet Gjykatës dhe të shpallet për t'i dhënë sistemit ligjor kapërcimin e plagës që ka ekzistuar deri tani.

Çështja e fundit të jetës është trajtuar në 15 rajone dhe në disa ka ngecur.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit