TIRANË | KËSHILLI I MINISTRAVE I REPUBLIKËS SË SHQIPËRISË MIRATOI VENDIMIN PËR SHPALLJEN E DISA ZONAVE ME PËRPARËSI PËR ZHVILLIMIN E EKONOMISË MALORE NË BASHKITË CËRRIK + KËLCYRË + LUSHNJË + POLIÇAN.

Tiranë, Shqipëri | Këshilli i Ministrave i Republikës së Shqipërisë miratoi vendimin për shpalljen e disa zonave me përparësi për zhvillimin e ekonomisë malore në bashkitë Cërrik, Këlcyrë, Lushnjë dhe Poliçan.

Vendimi u mor në mbështetje të ligjit për “Paketën e Maleve”, me propozim të ministrit të Shtetit për Pushtetin Vendor.

Konkretisht në bashkinë Cërrik janë shpallur disa zona me përparësi zhvillimin e ekonomisë malore në fshatrat, Floq, Liçaj, Banjë, Malasej, Qafë, Selitë, Shushicë, Topojan, Shtërmen.

Në bashkinë Këlcyrë janë shpallur disa zona me përparësi zhvillimin e ekonomisë malore disa fshatra të njësive administrative Sukë dhe Ballban, Dëshnicë, Këlcyrë, Klos, Mollas, etj.

Në bashkinë Lushnjë janë shpallur disa zona me përparësi zhvillimin e ekonomisë malore disa fshatra të njësive administrative, Kolonjë, Hysgjokaj, Dushk dhe Karbunarë.

Ndërsa në bashkinë Poliçan janë shpallur disa zona me përparësi zhvillimin e ekonomisë malore disa fshatra të njësive administrative Vërtop dhe Tërpan.

Sipas vendimit llojet e aktiviteteve, që do të zhvillohen në këtë zonë, janë:

1- Ekonomik.

2- Industrial.

3- Turistik.

Për zbatimin e vendimit ngarkohen Ministria e Ekonomisë dhe Inovacionit, Agjencia Shtetërore e Kadastrës dhe Bashkia Poliçan.

Ky vendim hyn në fuqi pas botimit në “Fletoren zyrtare”.

Paketa e Maleve synon të krijojë kushte më të favorshme për zhvillimin e turizmit, agropërpunimit, bujqësisë dhe blegtorisë në zonat me potencial të lartë natyror.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit