TIRANË | ERILDA DHAMA DHE KUJTIM KOKA U PROCEDUAN PENALISHT NË LIDHJE ME VDEKJEN NË VENDIN E PUNËS TË GËZIM GËRDECIT TË CILIN DYSHOHET SE ZURI PËRPOSH NJË PORTË.

Tiranë, Shqipëri | Strukturat vendore të Policisë së Shtetit referuan akte proceduriale penale në Prokurorinë vendore në ngarkim të:

1- Znj. Erilda Dhama.

2- Z. Kujtim Koka.

Ata do të hetohen penalisht paraprakisht në lidhje me vdekjen në vendin e punës të:

1- Z. Gëzim Gërdeci, me status shoqëror punëmarrës.

Njoftim | Specialistët për Hetimin e Krimeve të Komisariatit të Policisë Nr. 7 pas komunikimit me Prokurorin, nisën procedimin në gjendje të lirë për shtetasit E. Dh., 40 vjeçe dhe K. K., 69 vjeç, me detyrë drejtues teknik të një firme, pasi ditën e djeshme, shtetasi G. G., 68 vjeç, me detyrë roje në subjektin e shtetases E. Dh dhe i punësuar nga shtetasi K. K, gjatë mbylljes së portës hyrëse të objektit, është zënë poshtë prej saj.

Si pasojë 68-vjeçari ka humbur jetën, thuhet në njoftimin e Policisë së Shtetit.

Shënim: Çdo subjekt i përmendur në përmbajtjen e këtij artikulli, mbështetur mbi parimin kombëtar procedurial penal dhe universal të prezumimit të pafajsisë, konsiderohet i pafajshëm penalisht, gjer në çastin kur ndaj tij, nga autoritetet kompetente shqiptare ose të huaja, do të jepet një vendim penal, i formës së prerë.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit