TIRANË | AMBASADORI I BASHKIMIT EUROPIAN SILVIO GONXATO (GONZATO): RAPORTI I KOMISIONIT EVROPIAN ËSHTË VLERËSIM POZITIV PËR SHQIPËRINË.

Tiranë, Shqipëri | Ambasadori i Bashkimit Europian në Shqipëri, Silvio Gonxato (Gonzato), në fjalën e mbajtur sot me rastin e Ditës së Europës, u shpreh se raporti i fundit i Komisionit Evropian për Shqipërinë është pozitiv.

“Raporti i Komisionit ka bërë një vlerësim pozitiv për Shqipërinë. Tani janë shtetet anëtare ato që do ta diskutojnë këtë raport.

Është e rëndësishme të kuptohet se shtetet anëtare nuk e hedhin në votë raportin e IBAR, sepse është e drejtë ekskluzive e Komisionit Europian ta hartojë dhe ta miratojë atë. Ato thjesht e diskutojnë dhe japin qëndrimet e tyre politike”, tha Ambasadori Gonxato (Gonzato).

“Kapitulli i “Themeloreve është kapitulli i parë që hapet dhe i fundit që mbyllet. Kjo do të thotë se nuk mund të ketë mbyllje të negociatave nëse nuk përmbushen këto standarde”, tha ai më tej në fjalën e tij.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit