THEMELUESI I TELEGRAMIT PAVEL DUROV PRETENDON SE KA MBI 100 FËMIJË BIOLOGJIKË NGA DHURIMI I SPERMËS NË NJË KLINIKË FERTILITETI NË MOSKË.

Uashington, Amerikë | Sipas gazetës amerikane “Wall Street Journal”, çështja u rikthye në qendër të vëmendjes në vitin 2024 pas një fushate të promovuar nga një klinikë fertiliteti në Moskë, e cila, ofroi materialin e saj biologjik falas dhe mbuloi kostot e fertilizimit të asistuar për gratë e pamartuara nën moshën 37 vjeç.

Themeluesi miliarder i aplikacionit të mesazheve “Telegram”, ka pretenduar se ka të paktën 100 fëmijë biologjikë në 12 vende, të lindur nga dhurimet e spermës që filluan rreth vitit 2010.

Sipas entit mediatik “Wall Street Journal”, çështja u rishfaq në vitin 2024 pas një fushate të nisur nga një klinikë fertiliteti në Moskë, e cila, ofroi materialin e saj biologjik falas dhe mbuloi kostot e fertilizimit in vitro për gratë e pamartuara nën 37 vjeç.

Klinika e paraqiti z. Durov si një dhurues me përputhshmëri të lartë gjenetike.

Tani 41 vjeç, ai jeton në Dubai dhe shpjegoi se filloi të dhuronte spermë së pari për të ndihmuar një mik, pastaj në mënyrë anonime për të adresuar atë që ai e përshkruan si mungesë të donatorëve të shëndetshëm dhe me cilësi të lartë.

Edhe pse ai ndaloi së dhuruari vite më parë, materiali i tij gjenetik i ngrirë është ende i disponueshëm në klinikë.

Verën e kaluar, z. Durov njoftoi gjithashtu se të gjithë fëmijët e tij biologjikë, përfshirë gjashtë që pati me tre partnere të ndryshëme, do të kenë të drejta të barabarta për trashëgiminë e tij.

Sipas revistës amerikane “Forbes”, pasuria e sipërmarrësit rus arrin në afërsisht 17 miliardë dollarë, megjithëse është kryesisht e lidhur me vlerën e tregut të “Telegram”, të cilin, z. Durov ka deklaruar se synon ta dhurojë për një fondacion jofitimprurës.

Ai e ka portretizuar vendimin e tij si kontribut në krizën demografike globale dhe ka shprehur vazhdimisht një pikëpamje pesimiste për të ardhmen e Perëndimit, duke denoncuar atë që e sheh si një rënie morale dhe biologjike.

Iniciativa e tij e vendos atë midis një grupi të zgjedhur lojtarësh të mëdhenj në sektorët e teknologjisë dhe financiarë që po shtyjnë kufijtë etikë të teknologjive të reja riprodhuese, duke nxitur një debat gjithnjë e më të nxehtë mbi gjenetikën, fuqinë ekonomike dhe përgjegjësinë sociale.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit