___.png)
Londër, Britani e Madhe | “Na arrin një lajm tmerrësisht i trishtë: Ka vdekur në moshën 76-vjeçare Sven-Goran Eriksson.
Ish-menaxheri i Anglisë ka vdekur mëngjesin e sotëm në shtëpinë e tij i rrethuar nga të dashurit e tij”, shkruan enti mediatik BBC.
Z. Eriksson, i cili drejtoi Lazion, Sampdoria dhe Romën në Itali, njoftoi pak muaj më parë se vuante nga një tumor i pashërueshëm.
Z. Eriksson ishte trajneri i parë i huaj i Anglisë, duke e lidhur kështu pazgjidhshmërisht figurën e tij me futbollin britanik.
Ai mbërriti në Itali në mesin e viteve 1980 te Roma, pas eksperiencës së tij në stolin e Benfikës në Portugali.
Më pas stolat e Fiorentinës dhe Sampdorias.
Me Lazion ai fitoi skudeton në sezonin 1999-2000. Pastaj ai bëri një turne nëpër botë nga Arabia në Kinë dhe Tajlandë.
Ai ka drejtuar disa ekipe kombëtare: pas përvojës së tij me Anglinë, ai drejtoi Bregun e Fildishtë, Meksikën dhe Filipinet.
Në muajin janar ai zbuloi se po luftonte me kancerin terminal, duke thënë se kishte, në rastin më të mirë, një vit për të jetuar.
Që nga ai njoftim, z. Eriksson ka qenë mysafir në disa prej klubeve që ka drejtuar nëpër Evropë.
Në Itali ai u prit në stadium nga Lacio dhe Sampdoria.
Në Angli ai bëri realitet ëndrrën e tij: u ul në stolin e Liverpulit (Liverpool) gjatë një ndeshjeje të organizuar mes legjendave të klubit dhe Ajaksit (Ajax).
Si një lamtumirë, besuar në një film dokumentar, ku ndërhyjnë ish-lojtarët e tij, yjet e klasit të parë të qiellit të futbollit, por edhe ish e dashura, familjarët e tij më të afërt, duke konfirmuar përgjithmonë jetën e mbushur me ngjarje të z. Sven Goran Eriksson.
“Mos t’ju vijë keq. Buzëqesh”, është një nga mesazhet e fundit të trajnerit gjatë një dokumentari kushtuar atij që Amazon publikoi javët e fundit.
“Faleminderit për gjithçka: trajnerë, lojtarë, tifozë. Ishte fantastike. Kujdesuni për veten tuaj, kujdesuni për jetën tuaj dhe jetoni atë. Deri në fund”, shtoi ai.
“Kam pasur një jetë të mirë, po”, pranoi z. Eriksson.
“Mendoj se të gjithë kemi frikë nga dita kur vdesim, por duhet të mësosh ta pranosh atë, në fund të fundit, ai ishte njeri i mirë. Por jo të gjithë do ta thonë këtë, shpresoj se do të më kujtojnë si një njeri pozitiv”, tha ai.
Nga z. Erton Duka.
© Copyright | Agjencia Telegrafike Vox
Ne të njohim me botën | www.007vox.com | Burimi yt i informacionit
Comments