SOMALI | MINISTRIA E MBROJTJES: VRAMË 12 XHIHADISTË DHE PLAGOSËM SHUMË TË TJERË.

Mogadishu, Somali | Ministria e Mbrojtjes njoftoi se forcat e armatosura kombëtare kryen sulme ajrore kundër luftëtarëve të al-Shabab-it pranë qytetit të Baidoa-s, duke vrarë 12 militantë dhe duke plagosur disa të tjerë.

Agjencia turke e lajmeve “Anadolu” raportoi se sulmet u kryen në zonën Gasarta, në periferi të Baidoa-s, në koordinim me partnerët ndërkombëtarë.

“Këto operacione janë pjesë e përpjekjeve të vazhdueshme për të dobësuar aftësitë operacionale të grupit terrorist dhe për të forcuar sigurinë e përgjithshme të vendit”, tha Ministria e Mbrojtjes.

Grupi terrorist Al-Shabaab ka zhvilluar një kryengritje kundër qeverisë somaleze për më shumë se 16 vjet, duke synuar shpesh forcat e sigurisë, zyrtarët dhe civilët.

Që nga korriku, forcat somaleze, të mbështetura nga Misioni i Mbështetjes dhe Stabilizimit të Bashkimit Afrikan në Somali dhe partnerë të tjerë, kanë intensifikuar operacionet kundër grupit në mbështetje të qeverisë federale.

Mandati i misionit u rinovua për një vit tjetër nga Këshilli i Sigurimit i OKB-së në dhjetor, pas një rezolute të mbështetur nga Mbretëria e Bashkuar që e zgjati autorizimin deri më 31 dhjetor.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit