SLLOVENI | KUFOMA E NDIKUESES AUSTRIAKE STEFËNI PIPËR (STEFANIE PIEPER) U GJET BRENDA NJË VALIXHEJE; U ARRESTUAN DASHNORI; VËLLAI I DASHNORIT DHE NJERKU I DASHNORIT.

Lubjanë, Slloveni | Trupi i pajetë i ndikueses (influencueses) 31-vjeçare austriake, Stefëni Pipër (Stefanie Pieper), e cila, ishte zhdukur në Graz të Austrisë për gati një javë, u gjet në një zonë të pyllëzuar pranë Mariborit të Sllovenisë.

Hetuesit u çuan në vendin e zbulimit nga ish-i dashuri i saj, i dyshuari kryesor, i cili, në orët e fundit pranoi përfshirjen në zhdukjen e saj.

Sipas raportimeve të mediave vednore, dyshohet se e mbyti ish-partneren e tij për vdekje, pastaj e paketoi trupin e saj në një valixhe dhe e varrosi në një pyll përtej kufirit, në territorin slloven.

31-vjeçarja ishte zhdukur rreth një javë më parë; kontakti i saj i fundit ishte në të njëjtën ditë që u zhduk, kur i dërgoi dy mesazhe një shoqeje, njëri prej të cilëve raportoi praninë e një figure të dyshimtë në shkallët e ndërtesës së saj të apartamentit.

Që atëherë, gjurmët e saj ishin zhdukur.

Vrasësi i dyshuar u arrestua të hënën e kaluar në Slloveni, pranë kufirit austriak, pranë makinës së tij të djegur.

Të premten, ai u ekstradua në Austri dhe u mor në pyetje nga hetuesit e Styria-s, me të cilët ai në fund pranoi të bashkëpunonte, madje duke zbuluar edhe vendndodhjen e trupit të gruas.

Hetimet penale paraprake vazhdojnë për dy bashkëpunëtorë të dyshuar; vëllain dhe njerkun e të arrestruarit; edhe ata të arrestuar në Graz dhe aktualisht në paraburgim për rrezik të manipulimit të provave material me natyrë penale kompromentuese.

Të dy kanë refuzuar të japin deklarata para hetuesve.

Detaje të mëtejshme mbi rastin do të botohen nesër nga policia dhe prokuroria sllovene, të cilat, po punojnë ngushtë me autoritetet austriake për të përfunduar rindërtimin e ngjarjes kriminale.

Shënim: Çdo subjekt i përmendur në përmbajtjen e këtij artikulli, mbështetur mbi parimin kombëtar procedurial penal dhe universal të prezumimit të pafajsisë, konsiderohet i pafajshëm penalisht, gjer në çastin kur ndaj tij, nga autoritetet kompetente shqiptare ose të huaja, do të jepet një vendim penal, i formës së prerë.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit