SHBA-ës | NASA ËSHTË GATI TË INVESTOJË 1 MILIARD $ PËR NDËRTIMIN E NJË BAZE NJERËZORE NË HËNË.

Uashington, Amerikë | NASA është gati të investojë rreth 1 miliard dollarë ($) në një post të përhershëm njerëzor në Hënë.

Më 26 maj, agjencia njoftoi një seri kontratash me kompani private për të përfunduar misione robotike pa pilot, thelbësore për përgatitjen e terrenit për uljen në hënë të misioneve Artemis, e cila është planifikuar aktualisht për vitin 2028.

Në ballë të bazës së ardhshme hënore është moduli italian i banimit në MPH, i ndërtuar nga Thales Alenia Space.

Agjencia Italiane Hapësinore njoftoi se ka marrë miratimin nga një komitet vlerësimi i NASA-s për të vazhduar me një shqyrtim paraprak të projektit në vitin 2027.

Moduli i parë pritet të lançohet në vitin 2033.

Kontrata me vlerë afërsisht 220 milionë dollarë secila u janë dhënë dy kompanive “Astrolab” dhe “Lunar Outpost” për të përfunduar zhvillimin e automjeteve për eksplorimin hënor.

Për të dërguar këto roverë në rajonin polar jugor hënor, NASA i ka dhënë “Blue Origin” një kontratë prej 188 milionë dollarësh, me një opsion rinovimi me vlerë afërsisht 280 milionë dollarë.

Një kontratë tjetër prej 75 milionë dollarësh iu dha “Firefly Aerospace”, për vendosjen e një serie dronësh hënorë në misionin “MoonFall”, i planifikuar për vitin 2028.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit