RUSIA: NATO NDIHMOI KIEVIN TË SULMONTE KURSKUN | KËSHILLTARI I PUTINIT PATRUSHEV: SHËRBIMET SPECIALE PERËNDIMORE JANË TË PËRFSHIRA.
Moskë, Federata Ruse | “NATO dhe shërbimet speciale perëndimore janë të përfshirë drejtpërdrejt në planifikimin e sulmit të Ukrainës në rajonin rus Kursk”, sipas këshilltarit kryesor të presidentit Vladimir Putini, z. Nikolai Patrushev, cituar nga agjencia ruse e lajmeve Tass.
“Ishte Perëndimi që solli në pushtet juntën kriminale në Ukrainë. Vendet e NATO-s kanë dërguar armë dhe instruktorë ushtarakë në Ukrainë, vazhdojnë të ofrojnë informacione inteligjente dhe të monitorojnë veprimet e grupeve neo-naziste. Dhe operacioni në rajonin e Kurskut ishte planifikuar me pjesëmarrjen e NATO-s dhe shërbimeve speciale perëndimore”, tha z. Patrushev.
Administrata ushtarake në Kiev thotë se mbrojtja ajrore e kryeqytetit ukrainas zmbrapsi me sukses një sulm me dron sonte nga rajoni rus Kursk, skena e një ofensive nga forcat e presidentit Volodimir Zelenski.
Në një postim në Telegram të cituar nga mediat e Kievit, autoritetet ukrainase saktësojnë se nuk janë raportuar dëme apo viktima pas sulmit rus në kryeqytet.
Ministria ruse e Mbrojtjes thotë se forcat e saj të mbrojtjes ajrore dhe të marinës shkatërruan pesë dronë ukrainas nga ajri dhe dy detarë në Detin e Zi sonte, ndërsa ata u përpoqën t'i afroheshin Krimesë.
Mediat e Kievit flasin për shpërthime në disa qytete në gadishullin e diskutueshëm, me një zjarr të raportuar veçanërisht pranë Kerçit.
Nga z. Erton Duka.
© Copyright | Agjencia Telegrafike Vox
Ne të njohim me botën | www.007vox.com | Burimi yt i informacionit
Comments