RRITJE E NUMRIT TË MBËRRITJEVE NË ISHULLIN E KRETËS.

Ishulli i Kretës, Greqi | “Më shumë se 220 migrantë mbërritën në Kretë dhe ishullin Gavdos nga Libia brenda 24 orëve”, thanë autoritetet greke të premten, mes një rritjeje prej 310% të mbërritjeve në Kretë këtë vit.

Midis natës së së enjtes dhe mbrëmjes së së premtes, roja bregdetare kapi katër anije.

Një që mbante 25 migrantë për në Kaloi Limenes, 73 persona për në Sfakia, 56 për në Gavdos dhe 61 për në Paliakora (Palaiochora). Shumica ishin nga Egjipti dhe Sudani.

Zyrtarët raportuan një tjetër anije të premten vonë me një numër të panjohur pasagjerësh.

Emigrantët u transferuan në një strukturë të përkohshme në Agia Hania, ku 342 persona janë mbajtur që nga 15 gushti.

Autoritetet lokale kanë kërkuar transferime në Greqinë kontinentale, ndërsa të ndaluarit protestuan kundër kushteve të vështira duke refuzuar ushqimet.

Ardhjet vijnë në një kohë kur Greqia po zbaton politika më të rrepta të migracionit.

Një direktivë e re nga Ministri i Migracionit Thanos Plevris zëvendëson termin migrim i parregullt me termin migrim i paligjshëm në dokumentet zyrtare, urdhëron deri në 24 muaj paraburgim për azilkërkuesit e refuzuar dhe përcakton dënime me burgim nga dy deri në pesë vjet për ata që qëndrojnë ilegalisht.

Zyrtarët thonë se kthimi vullnetar është e vetmja mënyrë për të shmangur burgosjen.

Ligjet e reja kërkojnë gjithashtu që të gjithë të sapoardhurit të vendosen në mjedise të mbyllura, madje edhe aplikantët për azil, të cilët, nuk mund të paraqesin kërkesa për një muaj sipas rregullave aktuale.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit