RIMINI | ME KËRKESË TË AUTORITETEVE GJERMANE TË HETIMIT PENAL U ARRESTUA PJESËTARI I KOMANDOS QË HODHI NË ERË GAZSJELLËSIT “NORD STREAM 1” DHE “NORD STREAM 2”; SEHRII KUZNIETZOV (UKRAINAS).

Berlin, Republika Federale e Gjermanisë | Hetuesit gjermanë nuk kanë dyshime. Ai është një nga koordinatorët e komandos ukrainase përgjegjës për sabotimin që ndodhi në shtator 2022 në Detin Baltik, kur disa pajisje të vendosura në tubacionet nënujore të gazit pranë ishullit Bornhol shpërthyen “Nord Stream 1” dhe “Nord Stream 2”.

Një sulm, për të cilin, nuk u mor kurrë përgjegjësi, i cili, shkaktoi dëme serioze në dy tubacionet e gazit që para luftës në Ukrainë lejonin furnizimin me gaz rus të Republikës Federale të Gjermanisë dhe që rriti më tej tensionet në konfliktin që kishte filluar në Rusi disa muaj më parë.

Ata e zbuluan në Itali, ndërsa ai ishte në paqe me pushime.

Z. Sehrii Kuznietzov, me moshë 49 vjeç, kishte mbërritur së fundmi dhe duhej të qëndronte për pesë ditë në Rivierën e Romanjës (Romagna).

Ai ishte me gruan dhe fëmijët e tij të vegjël, dhe kur karabinierët u shfaqën në objektin ku ai po qëndronte, në mes të natës; ai as nuk rezistoi dhe as nuk u duk veçanërisht i habitur.

Arrestimi, bazuar në një urdhër-arresti evropian të lëshuar më 18 gusht, është kulmi i një operacioni të kryer nga ushtria në koordinim të ngushtë me Interpolin dhe autoritetet gjermane, i cili, është përshpejtuar në orët e fundit.

Monitorimi i lëvizjeve të ukrainasit dhe familjes së tij ishte i vazhdueshëm, dhe prania e tij në Itali u raportua nga Shërbimi Ndërkombëtar i Bashkëpunimit Policor (SCIP), dega e Departamentit të Sigurisë Publike që bashkëpunon me homologët e tij jashtë vendit.

Raporti iu përcoll Karabinierëve; pasi kontrolluan të dhënat e të ftuarve dhe konfirmuan identitetin e të kërkuarit, oficerët nga stacioni i Misano Adriatiko (Adriatico), së bashku me kolegët nga njësia e operacioneve dhe njësia hetimore, rrethuan banesën dhe e çuan atë në burg në Rimini.

Pajisjet e tij, përfshirë telefonin, u sekuestruan.

Nesër në mëngjes, i arrestuari, i cili nuk flet italisht, por flet rrjedhshëm anglisht, do të paraqitet me një përkthyes në një seancë dëgjimore para një gjyqtari në Gjykatën e Apelit të Bolonjës, i cili, do të vendosë për ekzekutimin e urdhrit të arrestit dhe dorëzimin e tij në Gjermani.

Zyra e Prokurorit të Përgjithshëm po e trajton çështjen nën drejtimin e Zëvendës Prokurores Liçia Skaliarini (Licia Scagliarini).

“Ky është një sukses hetimor vërtet mbresëlënës, i cili, tregon se kemi ndërmjetës dhe hetues të shkëlqyer në Gjermani.

Do të doja të shfrytëzoja këtë rast për t'i falënderuar ata”, tha Ministrja Gjermane e Drejtësisë Stefanie Hubig.

Z. Kuznietzov, shpjegoi Zyra e Prokurorit Federal Gjerman në një deklaratë, dyshohet fuqimisht për shkaktimin kolektiv të një shpërthimi me eksplozivë, sabotimin jokushtetues dhe shkatërrimin e ndërtesave.

Për të transportuar bombat, ukrainasi dhe bashkëpunëtorët e tij përdorën një jaht me vela që u nis nga Rostoku (Rostock).

Jahti ishte marrë më parë me qira nga një kompani gjermane nëpërmjet ndërmjetësve, duke përdorur dokumente identiteti të falsifikuara.

Pas lajmit të arrestimit, Prokuroria e Gjenovës i ngarkoi gjithashtu DIGOS-it (Divizioni i Operacioneve Speciale) të mblidhte informacione mbi të arrestuarin, si pjesë e hetimit të tyre për sulmin e muajit shkurt në brigjet e Savonës, kur Seajewel, një tanker nafte me flamur maltez, u dëmtua nga dy bomba.

Hipoteza kryesore që po hetohet nga hetuesit e DIGOS dhe Roja Bregdetare e Gjenovës është sabotimi nga forcat pro-ukrainase, duke pasur parasysh se Seajewel ishte identifikuar si anije me lidhje me flotat fantazmë që shmangnin embargon ruse të naftës.

Shënim: Çdo subjekt i përmendur në përmbajtjen e këtij artikulli, mbështetur mbi parimin kombëtar procedurial penal dhe universal të prezumimit të pafajsisë, konsiderohet i pafajshëm penalisht, gjer në çastin kur ndaj tij, nga autoritetet kompetente shqiptare ose të huaja, do të jepet një vendim penal, i formës së prerë.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit