REPUBLIKA FEDERALE E GJERMANISË | KANCELARI FRIDRISH MERC (FRIEDRICH MERZ): VITI 2026 ËSHTË NJË PIKË KTHESE PËR NE DHE PËR EVROPËN.

Berlin, Republika Federale e Gjeramisë | “Viti 2026 mund të jetë një pikë kthese.

Kjo është perspektiva që dua t'ju hap juve dhe të gjithëve ne; ky mund të jetë një vit vendimtar për vendin tonë dhe për Evropën.

Mund të jetë një vit në të cilin Gjermania dhe Evropa do të rimarrin fijen e dekadave të paqes, lirisë dhe prosperitetit me forcë të përtërirë”.

Kështu tha Kancelari Fridrish Merc (Friedrich Merz) në fjalimin e tij tradicional të fundvitit.

Kancelari Merc (Merz) kujtoi reformat që qeveria e tij ka ndërmarrë, duke përmendur uljen e shërbimit ushtarak, luftën kundër emigracionit të paligjshëm, uljen e burokracisë dhe heqjen e të ardhurave bazë, të zëvendësuara nga sigurimi bazë.

“Shoqëria jonë po plaket, brezi i ‘baby boomers’ është gati të dalë në pension. Prandaj, në vitin e ardhshëm do të jetë thelbësore të krijohet një ekuilibër i ri në sistemet tona të sigurimeve shoqërore, një ekuilibër që pajton në mënyrë të drejtë nevojat e të gjitha brezave”, tha Kancelari Merc (Merz), duke i nxitur gjermanët të mos udhëhiqen nga frika dhe dekurajimi, por nga besimi dhe bindja në aftësinë tonë për të kapërcyer çdo sfidë, pavarësisht se sa e madhe është.

Kancelari Merc (Merz) më pas u kërkoi përsëri qytetarëve durim.

“Jo pak do të thonë se nuk është e mjaftueshme, është shumë pak dhe ende nuk shohim rezultate të mjaftueshme.

Dhe unë ju përgjigjem; keni të drejtë! Nuk është e mjaftueshme, por qeveria federale ka filluar punën e saj.

Dhe jam i sigurt se Gjermania do të korrë përfitimet e reformave, edhe nëse do të duhet pak kohë”.

Fjalimi do të transmetohet i plotë sonte në mbrëmje duke filluar nga ora 19:15.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit