PËRFAQËSUESJA E LARTË E BASHKIMIT EVROPIAN KAJA KALLAS: PO PUNOJMË PËR NJË PLAN EVROPIAN PËR PAQEN NË UKRAINË.

Bruksel, Mbretëria e Belgjikës | “Bashkimi Evropian duhet ta zhvendosë fokusin e tij nga presioni ndaj Ukrainës për të bërë lëshime në ‘kërkesën e lëshimeve’ nga Rusia për të arritur paqe të qëndrueshme; kjo përfshin krijimin e një plani evropian për paqe të qëndrueshme që përshkruan kërkesa specifike ndaj Rusisë”.

Kështu tha Përfaqësuesja e Lartë e Bashkimit Evropian, Kaja Kallas - në një intervistë me agjenci ndërkombëtare lajmesh, duke specifikuar se në ditët në vijim, do t'u dërgojë shteteve anëtare propozime.

“Para se të diskutojmë se kush duhet të flasë me Moskën, duhet të kuptojmë se çfarë duam të diskutojmë”, tha Përfaqësuesja Kallas.

Ideja e saj është të fillohen diskutimet në nivel ambasadorësh dhe më pas të zhvillohet një diskutim në Këshillin e ardhshëm të Punëve të Jashtme, të planifikuar për 23 shkurt.

Përfaqësuesja Kallas mbështet që Evropa të bëjë kërkesa maksimaliste, duke pasqyruar qasjen e Rusisë, në mënyrë që të sigurojë një rezultat më të mirë të negociatave.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit